బిక్కనూరులో ఘనంగా స్వాతంత్ర్య దినోత్సవ వేడుకలు

కార్యాలయాల్లో జెండా వందనం

బిక్కనూరు గ్రామపంచాయతీలో  సర్పంచ్ రేఖ సుదర్శన్‌ జాతీయ జెండాను ఎగురవేశారు. సహకార సంఘం (సొసైటీ)లో చైర్మన్ గంగల్ల భూమయ్య జెండా ఆవిష్కరించారు. తహసీల్దార్‌ కార్యాలయంలో ఎంపీడీవో కార్యాలయంలో , జాతీయ జెండాను ఎగురవేశారు. బాలికల ఉన్నత పాఠశాలలో ఎంఈఓ మరియు ప్రధాన ఉపాధ్యాయుడు రాజగంగారెడ్డి జాతీయ జెండాను ఎగరవేశారు.

ఆకట్టుకున్న విద్యార్థుల కవాతు

జిల్లా పరిషత్‌ బాలుర ఉన్నత పాఠశాల ఎన్‌సీసీ విద్యార్థులు నిర్వహించిన కవాతు ప్రత్యేక ఆకర్షణగా నిలిచింది. క్రమశిక్షణతో విద్యార్థులు చేసిన కవాతు చూపరులను ఆకట్టుకుంది. పలు పాఠశాలల్లో విద్యార్థులు దేశభక్తి గీతాలు, సాంస్కృతిక కార్యక్రమాలు నిర్వహించడంతో పాటు స్వాతంత్ర్య సమరయోధులు, జాతీయ నాయకుల వేషధారణలో అలరించారు.

మండలంలోని పలు ప్రాంతాల్లో ఉదయం నుంచే త్రివర్ణ పతాకాలు రెపరెపలాడగా.. వందేమాతరం గీతాలు, దేశభక్తి నినాదాలతో పండుగ వాతావరణం నెలకొంది. వివిధ రాజకీయ పార్టీల నాయకులు, ప్రజాప్రతినిధులు, అధికారులు, ఉద్యోగులు, యువజన కార్యకర్తలు, విద్యార్థులు, ప్రజలు పెద్ద సంఖ్యలో పాల్గొన్నారు.

ఈ సందర్భంగా వక్తలు స్వాతంత్ర్య సమరయోధుల త్యాగాలను స్మరించుకున్నారు. దేశ ఐక్యత, సమగ్రతను కాపాడుతూ అభివృద్ధిలో ప్రతి ఒక్కరూ భాగస్వాములు కావాలని పిలుపునిచ్చారు. దేశభక్తి స్ఫూర్తితో సాగిన వేడుకలు జాతీయగీతం ఆలాపనతో ముగిశాయి.