బోనం సమర్పించిన పోచారం శ్రీనివాస్ రెడ్డి !

నల్ల పోచమ్మ ఆలయంలో భక్తిశ్రద్ధలతో బోనాల వేడుకలు

ఆషాఢమాస బోనాల పండుగ సందర్భంగా బాన్సువాడ పట్టణంలోని నల్ల పోచమ్మ ఆలయంలో ఆరే కటిక సంఘం ఆధ్వర్యంలో మంగళవారం బోనాల ఉత్సవాలు ఘనంగా నిర్వహించారు. ఈ సందర్భంగా తెలంగాణ రాష్ట్ర ప్రభుత్వ వ్యవసాయ సలహాదారు, బాన్సువాడ ఎమ్మెల్యే పోచారం శ్రీనివాసరెడ్డి స్వయంగా బోనం ఎత్తుకుని అమ్మవారికి సమర్పించి ప్రత్యేక పూజలు నిర్వహించారు.

రాష్ట్ర ఆగ్రోస్ చైర్మన్ కాసుల బాలరాజు కూడా ఆలయానికి చేరుకుని అమ్మవారిని దర్శించుకుని ప్రత్యేక పూజల్లో పాల్గొన్నారు. భక్తులు పెద్ద సంఖ్యలో హాజరై బోనాలు సమర్పించి అమ్మవారి ఆశీస్సులు పొందారు.