హర్‌ ఘర్‌ తిరంగా.. ప్రతి ఇంటిపై జాతీయ జెండా ఎగరేయాలి

ప్రధాని మోదీ పిలుపు మేరకు ఎమ్మెల్యే క్యాంపు కార్యాలయంలో జాతీయ జెండా ఆవిష్కరణ

కామారెడ్డి, ఆగస్టు 10 (నవజ్యోతి ప్రతినిధి): ప్రధాని నరేంద్ర మోదీ పిలుపు మేరకు ‘హర్‌ ఘర్‌ తిరంగా’ కార్యక్రమంలో భాగంగా కామారెడ్డి ఎమ్మెల్యే కాటిపల్లి వెంకటరమణారెడ్డి తన క్యాంపు కార్యాలయంపై జాతీయ జెండాను ఎగురవేశారు. ఈ సందర్భంగా స్వాతంత్య్ర పోరాట యోధుల త్యాగాలను స్మరించుకోవాలని అన్నారు.

స్వాతంత్య్ర దినోత్సవం సందర్భంగా ప్రతి ఇంటిపై జాతీయ జెండాను ఎగురవేసి దేశభక్తిని చాటుకోవాలని ఎమ్మెల్యే పిలుపునిచ్చారు. నేటి తరానికి స్వాతంత్య్ర సమరయోధుల త్యాగాలను గుర్తు చేయాల్సిన బాధ్యత ప్రతి ఒక్కరిపై ఉందన్నారు.