ఎయిర్‌ షోలో ఘోర ప్రమాదం.. ఇద్దరు పైలట్లు మృతి!

మధ్యాహ్నం 2:55 గంటలకు.. విషాదం

గ్రీక్‌ వైమానిక దళం ప్రకారం శనివారం మధ్యాహ్నం
2:55 గంటలకు ప్రమాదం జరిగింది. 338 స్క్వాడ్రన్‌కు చెందిన ఎఫ్‌-4ఈ ఫాంటమ్‌ టనాగ్రా ఎయిర్‌బేస్‌కు ఆగ్నేయంగా సుమారు మూడు నాటికల్‌ మైళ్ల దూరంలో కూలిపోయింది.

తక్కువ ఎత్తులో విన్యాసాలు చేస్తుండగా విమానం ఒక్కసారిగా కిందకు దిగినట్లు స్థానిక నివేదికలు పేర్కొన్నాయి. పొలాల్లో కూలిన విమానం సమీపంలోని పారిశ్రామిక ప్రాంతం వైపు జారిపోవడంతో అక్కడ కూడా మంటలు చెలరేగాయి. 3

115 మంది ఫైర్‌ సిబ్బంది.. 13 ఎయిర్‌ యూనిట్లు

మంటలను అదుపు చేసేందుకు భారీ స్థాయిలో సహాయక చర్యలు చేపట్టారు. స్థానిక సమాచారం ప్రకారం
115 మంది అగ్నిమాపక సిబ్బంది, 36 వాహనాలు, 9 అగ్నిమాపక విమానాలు, 4 హెలికాప్టర్లు
రంగంలోకి దిగాయి.

అగ్నిప్రమాదం సమీపంలోని గ్రామీణ, అటవీ ప్రాంతాల వైపు వ్యాపించడంతో అత్యవసర సేవలను అప్రమత్తం చేశారు. గ్రీస్‌ 112 అత్యవసర హెచ్చరిక వ్యవస్థ ద్వారా స్థానికులు అధికారుల సూచనలు పాటించాలని సూచించారు. 4

వేలాది మంది ప్రేక్షకుల మధ్యే ప్రమాదం

Athens Flying Weekలో వేలాది మంది ప్రేక్షకులు పాల్గొన్న సమయంలో ఈ ప్రమాదం చోటుచేసుకుంది. అయితే ఇప్పటివరకు ప్రేక్షకులు లేదా సమీప నివాసితుల్లో ఎవరూ గాయపడినట్లు సమాచారం లేదు. 5

ప్రమాదం అనంతరం భద్రతా కారణాలతో ఎయిర్‌షోలో మిగిలిన కార్యక్రమాలను రద్దు చేసినట్లు స్థానిక నివేదికలు తెలిపాయి. 6

మృతులు 117వ ఎయిర్‌ వింగ్‌కు చెందిన పైలట్లు

మృతిచెందిన ఇద్దరు పైలట్లు గ్రీక్‌ వైమానిక దళంలోని
117వ ఎయిర్‌ వింగ్‌, అండ్రావిడాకు చెందినవారని స్థానిక నివేదికలు పేర్కొన్నాయి. వైమానిక దళం వారి పేర్లను మొదటి అక్షరాలతో వెల్లడించినట్లు సమాచారం. 7

ప్రమాదం సమయంలో ఎజెక్షన్‌ వ్యవస్థను ఉపయోగించలేకపోయారని కొన్ని స్థానిక నివేదికలు పేర్కొన్నాయి. అయితే ప్రమాదానికి ముందు ఏం జరిగిందనే పూర్తి వివరాలు అధికారిక దర్యాప్తులోనే తేలాల్సి ఉంది.

మూడు రోజుల సంతాపం

ఇద్దరు వైమానిక దళ అధికారుల మృతికి సంతాపంగా గ్రీక్‌ సాయుధ దళాల్లో
మూడు రోజుల సంతాపం ప్రకటించారు. రక్షణ మంత్రి నికోస్‌ డెండియాస్‌ కూడా తన కార్యక్రమాలను మధ్యలోనే ముగించుకుని ఏథెన్స్‌కు తిరిగి వచ్చినట్లు స్థానిక మీడియా తెలిపింది. 8