అధికారంలో ఉన్నవారిని ప్రశ్నించాలి.. జవాబుదారీతనాన్ని నిలదీయాలి.. వృత్తి ప్రమాణాల్లో రాజీ వద్దు
హైదరాబాద్, ఆగస్టు 22 (నవజ్యోతి ప్రతినిధి):
అధికారంలో ఉన్నవారిని ప్రశ్నిస్తూ.. ప్రభుత్వాల జవాబుదారీతనాన్ని నిలదీసే
స్వేచ్ఛాయుత, నిర్భయ పత్రికా వ్యవస్థ ప్రజాస్వామ్యానికి అత్యవసరం
అని ఉపముఖ్యమంత్రి మల్లు భట్టి విక్రమార్క అన్నారు. దేశవ్యాప్తంగా
ఎనిమిది ప్రెస్ క్లబ్ల ప్రతినిధులతో ఏర్పాటు చేసిన ఫెడరేషన్ ఆఫ్ ప్రెస్ క్లబ్
సంస్థను హైదరాబాద్లో ఆయన అధికారికంగా ప్రారంభించారు.
ప్రశ్నించడంలో వెనుకడుగు వద్దు
ప్రభుత్వాలు తమపై వచ్చే విమర్శలను స్వీకరించే ధైర్యం కలిగి ఉండాలని భట్టి అన్నారు.
భారత స్వాతంత్య్ర ఉద్యమంలో జర్నలిజం కీలక పాత్ర పోషించిందని, మహాత్మా గాంధీ,
డాక్టర్ బీఆర్ అంబేద్కర్, బాలగంగాధర్ తిలక్ తదితరులు పత్రికల ద్వారా
ప్రజల్లో చైతన్యం తీసుకొచ్చారని గుర్తుచేశారు.
అధికారులను ప్రశ్నించే విషయంలో జర్నలిస్టులు వెనుకడుగు వేయకూడదని, అదే సమయంలో
వృత్తి ప్రమాణాలను కచ్చితంగా పాటించాలని
సూచించారు.
డీప్ఫేక్ల కాలంలో విశ్వసనీయతే బలం
డిజిటల్, ఆర్టిఫిషియల్ ఇంటెలిజెన్స్ యుగంలో తప్పుడు వార్తలు, డీప్ఫేక్లు
వేగంగా వ్యాప్తి చెందుతున్న నేపథ్యంలో జర్నలిజానికి విశ్వసనీయతే ప్రధాన బలం
అని భట్టి పేర్కొన్నారు.
జర్నలిస్టుల భద్రత, గౌరవం, సంక్షేమానికి ఫెడరేషన్ ప్రాధాన్యం ఇవ్వాలని,
ముఖ్యంగా జిల్లాలు, గ్రామీణ ప్రాంతాల్లో పనిచేస్తున్న జర్నలిస్టులకు అండగా నిలవాలని
కోరారు.
మమ్మల్ని జవాబుదారీ చేయండి.
అయితే వృత్తి ప్రమాణాల్లో రాజీ పడొద్దు.”
ప్రభుత్వానికి జర్నలిస్టులు ముందస్తు హెచ్చరిక వ్యవస్థ
ప్రభుత్వాలు ప్రజల మాట వినేందుకు సిద్ధంగా ఉంటే స్థానిక జర్నలిస్టులు ప్రభుత్వానికి
అత్యుత్తమ ముందస్తు హెచ్చరిక వ్యవస్థగా పనిచేస్తారని భట్టి అన్నారు.
ప్రజల సమస్యలను పాలకుల దృష్టికి తీసుకెళ్లడంలో స్థానిక మీడియా కీలక పాత్ర పోషిస్తుందని
పేర్కొన్నారు.
వివక్ష కొనసాగడం బాధాకరం
హల్ద్వానీలో రాంలీలా మైదానంలో కాంగ్రెస్ అధ్యక్షుడు మల్లికార్జున ఖర్గే
సమావేశం అనంతరం జరిగినట్లు వచ్చిన ‘శుద్ధీకరణ’ ఘటనను భట్టి ప్రస్తావించారు.
స్వాతంత్య్రం వచ్చి దశాబ్దాలు గడిచినా వివక్ష కొనసాగడం బాధాకరమని అన్నారు.
“అంతిమంగా ప్రయోజనం ప్రజలకు దక్కాలి” అని
భట్టి స్పష్టం చేశారు. ప్రజాస్వామ్య వ్యవస్థను బలోపేతం చేయడంలో స్వేచ్ఛాయుత
జర్నలిజం, బాధ్యతాయుతమైన మీడియా పాత్ర కీలకమని పేర్కొన్నారు.
